Sign in

Sign up

Kelurahan Cijagra Pangwedelna Inovasi di Jawa Barat

By on Juli 4, 2019 0 31 Views

Bandung, bewarajabar.com – Enggoning ngawujudkeun visi Kota Bandung Unggul, Nyaman, Sejahtera, tur Agamis, unsur kewilayahan giat mateakeun inovasi ku ngahadirkeun pelayanan publik nuprima.

Eta hal nu jadi motivasi Kelurahan Cijagra terus nyawalakeun inovasi. Hasilna, pelayanan di kelurahan gampang diakses ku warga. Lian tikitu, Kelurahan nu perenahna di Kecamatan Lengkong eta sukses jadi juara dina Lomba Desa/Kelurahan Tingkat Provinsi Jawa Barat.

Di Kelurahan Cijagra, urusan administrasi kependudukan geus ngamangpaatkeun teknologi Pemkot  (Pemerintah Kota) Bandung, Siloka (Sistem Layanan Online Kelurahan). Ayana Siloka mampuh mupuskeun transaksi fisik, hususna dina ngurus administrasi kependudukan kayaning KTP (Kartu Tanda Penduduk) jeung KK (Kartu Keluarga). Masarakat bisa ngurusna ti padumukannana sewang sewangan.

“Ku kituna, masarakat teu kudu susah tur riweuh ngajugjug kakantor kelurahan. Maranehna cukup datang sawaktu rek nyokot hasilna nu geus jadi,” ceuk Lurah Cijagra Jajang Afipudin, sawaktu ngaluuhan acara di Balaikota Bandung Jalan Wastukencana Bandung, Salasa (2/7/2019).

Salian Siloka, ceuk Jajang, di tingkat RW pelayanan public geus maksimal kuayana pelayanan publik di Balai RW 04. “Eta Balai RW difungsikeun sarua kawas kantor kelurahan. Ku kituna, masarakat nu merlukeun bantuan dina pelayanan public bisa datangka Balai RW ti jam dalapan isuk isuk nepika jam dua sore,” pokna

Lian tieta, inovasi oge disawalakeun dina ngaronjatkeun kaamanan di Kelurahan Cijagra. “Masang  portal nu nyambung jeung CCTV nu bias diakses tina ponsel warga. Tangtuna pikeun merangan aksi tindak kajahatan.Masarakat teu kudu hariwang lantaran bias nalingakeun kaayaan imahna ku ngamangpaatkeun aplikasi ponsel,” tandes Jajang.

Enggoning ngabebenah wilayah, Jajang bakal memeres deui PKL disabudeureun Cijagra. Engkena bakal dijieun food street di Cijagra. Lokasi nu digunakeunku PKL bakal disulap sangkan merenah tur genaheunhen teu rarupeuk tur rarujit.

Dina ngalola runtah, Kelurahan Cijagra sarua mateakeun inovasi nyaeta alat Incenerator nu bisa ngancurkeun runtah. Eta alat basa ngareduksi nepika 400 kilogram runtah rumah tangga. “Runtah di Cijagra pikeun sa RW biasana ngahasilkeun runtah kurang leuwih 200 kilogram. Sedengkeun alat Incenerator bisa ngareduksi runtah 100 kilogram per jam nu kapasitasna 400 kilogram dina sakali ngaduruk. Jadi sagemblengna pasualan runtah di Cijagra rengse opat jam dina sapoena kumateakeun eta alat,” ceuk Jajang.

Jeroning kitu, Camat Lengkong Tb Agus Mulyadi ngarasa reueus tur bungah kukaberhasilan Kelurahan Cijagra jadi Juara Lomba Desa/Kelurahansa Jawa Barat.

Leave a comment

Alamat email Anda tidak akan dipublikasikan. Ruas yang wajib ditandai *