Sign in

Sign up

Eka Kurniasih, $H Ketua Panitia : Ruwat Jagat Ngawedelan Indentitas Bangsa

By on Desember 5, 2019 0 259 Views

Bandung,bewarajabar.com- Kasang tukang digelarna Ngaruwat Jagat, kajurung ku sumanget antar suku, Agama, ras, golongan nepi ka kawilayahan nu remen jadi polemik turta kakuatanana loba nu nanyakeun.

Kitu diebrehkeun ku Eka Kurniasih, SH, Ketua Panitia Ruwat Jagat ” Pesta Besar Adat Sunda” nu oge sakalian milangkala ka-1 Srikandi Pasundan Ngahiji, lumangsung di Lucky Squere salila lima poe, ti poe Rebo 4 Desember nepika poe Ahad 8 Desember 2019.

Ceuk Eka, nilik kana sajarah Indonesia pirang-pirang pamikiran nu asalna tina akar budaya, tradisi, sistem ajen sosial jeung adaptasi kana lingkungan bareda.Tapi enas-enasna mah tetep gembleng “satu bangsa” nepi ka kiwari.

????????????????????????????????????

Dina konteks keragaman eta, tantuna jadi aset sosial jeung budaya nu bisa disaruakeun jeung kondisi masarakat lianna, malah bisa jadi conto ngahijikeun bangsa ngaliwatan Pancasila, ideologi nagara ku wedel.

Kanyaah masarakat kana investasi peradaban jeung bangsa dina mangsa nu bakal datang, bisa ngawujud ku tindakan jeung upaya pelestarian adat, budaya, tradisi sarta warisan karuhun.

Leuwih jauh Eka Kurniasih nembrakeun, Ngaruwat Jagat teh, enas-enasna mah ngawedelan indentitas bangsa jeung ngajaga Pancasila sarta ka-Bhinekaan Tunggal Ika.

????????????????????????????????????

Anapon tujuanana, ngawangun kadadaran jeung komitmen babarengan, sareundeuk saigel satujuan pikeun ngalestarikeun adat, budaya, tradisi warisan karuhun urang. Beh dituna aya upaya ngamekarkeun supaya langgeng nepi ka mangsa nu bakal datang.

Ngalaksanakeun kagiatan salila lima poe, ranggeuyan kagiatanana, Tradisi Ngaruwat Jagat, Pagelaran Seni jeung Budaya, seni tradisional jeung seni nasional.

” Dina acara ieu oge, diayakeun Pameran jeung Bazar, Lomba kaprigelan, Business meeting jeung kagiatan sosial kemanusiaan,” pungkas Eka Kurniasih, bari nyebutkeun, yen nu jadi juara dina Lomba Kaparigelan baris diumumkeun dina poe Ahad pungkasan acara Ruwat Jagat.Cag! (Ki Bully Tarongkeng)

Tinggalkan Balasan