Sign in

Sign up

  • Home
  • Warta Sunda
  • Salila Bulan Ramadhan PWI Kota Bandung. Ngabagikeun Ta’jil Dilaksanakeunana Unggal Poe Juma’ah
9 Mei 2020

Salila Bulan Ramadhan PWI Kota Bandung. Ngabagikeun Ta’jil Dilaksanakeunana Unggal Poe Juma’ah

By admin@bewara 0 139 Views

Bandung, bewarajabar.com — Program Taunan Unggal Bulan Suci Ramadhan nu digarap ku Persatuan Wartawan Indonesia (PWI) Kota Bandung. Make Hastag # PWI Berbagi .
Para awak media nu ngagabung di PWI Kota Bandung, ngabagi-bagi menu buka puasa ta’jil di sabudeureun Jln A Yani 262 Bandung, oge hareupeun kantor PWI Kota Bandung dina mangsa sumebarna pandemi Virus Corona (Covid-19), Juma’ah (1/5/2020).

Ketua PWI Kota Bandung H. Hardiyansyah, SH, nu diwakilan ku Asep Budianto, SE., SH., C.L.A. Wakil Ketua PWI Kota Bandung ngeceskeun, yen bagi bagi ta’jil dina bulan Ramadhan rek dilaksanakeun unggal poe juma’ah di Jln A Yani 262 Bandung hareupeun kantor PWI Kota Bandung. Ngabagikeun ta’jil teh, salahsahiji bentuk empati, pikeun ngabantu sasama.

Disebutkeun oge mun seug ngabagi ta’jil kiwari mah beda jeung taun-taun katukang. Kiwari mah dina kaayaan sumebarna pandemi Virus Corona (Covid-19).

” Urang sarerea kudu nerapkeun protokol kesehatan, mangrupa ngajaga jarak bari dilengkepan make kaos tangan jeung masker. Luyu jeung himbauan pamarentah,” ceuk ieu pimred Bedanews.com.

Budi mungkas katerangan, yen ta’jil nu dibagikeun kanu lalar liwat di jalan lobana aya 200 gelas kolek, langsung dibagikeun ku anggota jeung pengurus PWI Kota Bandung ka warga nu ngaliwat, saperti supir, panumpang angkot jeung nu daragang di sabudeureun Kantor PWI. ( Haji Yanto Suryanto)

Tinggalkan Balasan