Sosialisasi Aktivitas Tenaga Kebudayaan dina Mangsa Sasalad Pandemi Covid-19

0

Garut, bewarajabar.com — Sabtu, 12 September 2020 Departemen Pendidikan dan Kebudayaan RI ngayakeun kagiatan seminar sapoe di Aula IPI (Institut Pendidikan Indonesia) Garut ngeunaan sosialisasi Aktivitas Tenaga Kebudayaan, dina mangsa sasalad Pandemi Covid 19. Henteu kurang ti 120 urang, pelaku seni, budayawan, akademisi jeung mahasiswa ngaluuhan seminar sapoe ieu.

Hadir dina eta acara para Direktur di Kemdikbud jajaran Dirjen Kebudayaan, hadir oge sekretaris MPR-RI Ferdiansyah, SE., MM, Ketua DPRD Garut, jeung Kepala Dinas Pariwisata dan Kebudayaan Garut.

[irp]

Ahmad Mahendra, direktur Film jeung Media Baru, netelakeun ka Bewara Jabar, yen dina mangsa Pandemi Covid 19 ieu, Kemdikbud gawe babarengan jeung ADN (asosiasi dekumentaris nusantara) geus hasil ngarampungkeun gawe nyieun film dekumenter ngeunaan kajadian aktivitas masarakat dina nyanghareupan sasalad dunya. Kalawan diiluan ku 300 sutradara sa-Nusantara.

Gawe ieu teh meunang apresiasi positip ti Unesco. ADN korda Priangan milu partisipasi lobana 10 urang. Sawareh karyana geus ditayangkeun ku TVRI, Deddy Effendie jeung Icang S. Miharja jadi wawakil ti Garut.

[irp]

Tanaga kebudayaan ngabogaan peran penting dina suasana pandemi kiwari anu cenah nu katepaan ku ieu sasalad diIndonesia geus tembus kana angka 200.000 urang. Sarta nagara Indonesia sasatna dikucilkeun ku 58 nagara, lantaran penyebaran virus periode ayeuna asa beuki mahabu.

Kebudayaan asup minangka kearifan lokal bagian tina Amdal. Kukituna ngaliwatan budaya urang sarerea bisa ngabiasakeun maneh dina kagiatan sosial sapopoe salawasna waspada sarta patuh kana aturan protokol kesehatan.

[irp]

Cohanna urang kudu mampu kabiasakeun maneh hirup sehat jeung beresih. Lamun urang geus mampu ngabiasakeun atawa ngabudayakeun cara hirup ditengah-tengah covid’19.

Tangtu urang bisa ngurangan nyebarna ieu sasalad. Kitu cenah. Jadi make masker ulah pagegeye, komo pasesedek mah, sering ngumbah leungeun ku sabun, loba dahar bubuahan utamana nu ngandung vitamin C, D. jeung eureunan loba kaluar ti imah.*

Tinggalkan Balasan