Bandung, bewarajabar.com — Komisi V DPRD (Dewan Perwakilan Rakyat Daerah) Provinsi Jawa Barat ngalaksanakeun Kunker (kunjungan kerja) ka Kabupaten Pangandaran, dina raraga monitoring pelaksanaan KBM (Kegiatan Belajar Mengajar) di sajeroning AKB (Adaptasi Kebiasaan Baru) balukar pandemi Covid-19.
Bareng jeung Tim Kantor Cabang Dinas Pendidikan Wilayah XIII Ciamis, para anggota legislatif narekahan nyerep aspirasi ti kepala sakola tumali pasualan nu dialaman peserta didik SMA, SMK sarta SLB, salila AKB lumangsung. Diharepkeun dina eta dongdonan aya solusi sangkan KBM lumangsung efektif.
Anggota Komisi V Johan Anwari nembrakkeun, dina situasi AKB pasti aya pasualan nu kajadian lantaran karek munggaran dilaksanakeun. Diharepkeun pelaksana pendidikan di daerah nu ngarangluh saperti operasional salila AKB bisa kafasiliasi kalayan hade, sangkan ajen pendidikan siswa tetep kajaga.
“Eta hal ngarupakeun sharing antara wakil rakyat jeung kepala sakola, tumali kagiatan diajar salila AKB lumangsung. Usulan bakal ditampung turta ditarekahan direalisasikeun, sangkan pendidikan tetep bisa laumangsung kalayan hade,” ceuk Johan.
Salian ti kitu, Johan ngaharepkeun tambahan usulan pikeun sagancangna dilaksanakeun nambahan jumlah jumlah pengajar nu mumpuni pikeun SLB di wlayah Kabupaten Pangandaran diharepkeun bisa sagancangna kacumponan.
Discussion about this post