Bandung, bewarajabar.com – Ketua DPRD Kota Bandung H. Teddy Rusmawan, ST.MM. ngaresmikeun rohangan wartawan DPRD Kota Bandung, nu perenahna aya di lingkungan gedong DPRD Kota Bandung, Jalan Sukabumi Bandung, Rebo (16/10/19) nu kaliwat.
Dina biantarana Teddy ngahaturkeun nuhun ka sakumna rengrengan dilingkungan Dewan, nu geus gawe rancage ngarengsekeun rohangan Media Center, pikeun wartawan nu salila ieu geus loba ngabantu DPRD Kota Bandung dina pemberitaan.
REKOMENDASI
“Muga muga bisa jadi genah tur tumaninah pikeun para wartawan di DPRD, sabab kuring ge asup ka rohangan ieu sacara pribadi ngarasa tumaninah,” tandes Teddy.
Teddy nambahkeun, gawe babarengan nu salila ieu geus kawangun sangkan bisa dijaga turta silih ajennan, sangkan kahareupna bisa leuwih hade deui bisa gawe rancage kalayan teu kawatesan.
Jeroning kitu, Seketariat Dewan, Salman dina kateranganna nembrakkeun, mindeng nempo wartawan ngagaloler dijero atawa diluar masjid. Tangguna sanggeus ngabogaan rohangan wartawan bisa ngagunakeun eta rohangan kalayan sahade hadena sakumaha mistina. ( )
