Bandung, bewarajabar.com – Poe Senen, (01/07/2019), sakumaha biasana pagawe di lingkungan Kanwil Kementrian Agama Provinsi Jawa Barat ngalaksanakeun Apel mingguan di lapangan parkir Kanwil Kemenag Prov. Jabar. Anapon nu jadi Pembina Apel nyaeta Kepala Bidang PHU, H. Ajam Mustajam, nu dina eta kasempetan ngungkabkeun informasi ngeunaan operasional penyelenggara ibadah haji.
Mitembeyan arahanna, H. Ajam, umajak sakumna pagawe pikeun ngarojong pelaksanaan kagiatan nasional nyaeta STQH XXV Tingkat Nasional nu bakal dilaksanakeun lima poe kahareup di Pontianak Kalimantan Barat.
REKOMENDASI
“Muga muga para peserta katut sakumna nu aya patula patalina jeung eta kagiatan dientengkeun turta meunang kaaberkahan kalayan hasilna nyugemakeun nu tangtuna bisa ngareueuskeun Jawa Barat,” tandes H. Ajam
Lian ti eta, H. Ajam ngainformasikeun yen poe Jumaah tanggal 05 Juli 2019 geus dimimitian operasional penyelenggaraan ibadah haji di Embarkasi Bekasi Jakarta, saluyu jeueng jadwal jamaah haji geus asup embarkasi tanggal 6 Juli 2019.
“Dumasar indeks pelayanan haji ti BPS nyebutkeun yen pelayanan haji ngaronjat. Eta hal dibuktikeun ti mimiti pendaftaran nepika pelaksanaan ibadah haji penilaian masarakat cukup nyugemakeun,” ceuk H. Ajam.
Ajam ngajentrekeun, anyar anyar ieu Kementerian Agama meunang deui predikat WTP ti BPK ngeunaan audit kerja jeung laporan keuangan. Lian ti eta, prestasi madrasah loba siswa tur siswi na nu mampuh ngangkat ngaran hade Jawa Barat kitu deui Indonesia.
Ajam manghanjakalkeun prestasi Kementerian Agama teu jadi itungan atawa dihare harekeun ku masarakat lantaran leuwih loba masarakat nu ngan saaukur ngabandungaan isu bojredna Kementerian Agama.
“Ku kituna, geus jadi tugas sakumna rengrengan Kementerian Agama ngarojong turta mateakeun nu hade pikeun kamajuan tur prestasi Kementerian Agama sangkan ngaranna alus deui di masarakat,” tandes H. Ajam. (amat )
