Bandung, bewarajabar.com — Wakil Ketua Komisi III Dewan Perwakilan Rakyat Daerah (DPRD) Provinsi Jawa Barat Sugianto Nanggolah ngaapresiasi kahontalna pemasukan poean Samsat (Sistem Administrasi Manunggal Satu Atap) Outlet Kecamatan Cililin nu dianggap gede kontribusina ka pendapatan daerah. Eta hasil ngilu ngadongkrak PAD (Pendapatan Asli Daerah) tina sektor pajak.
Mana komo, ceuk Sugianto, objek pajak Kendaraan Tidak Melakukan Daftar Ulang (KTMDU) kaitung masih luhur. Diharepkeun, outlet Samsat sejenna bisa nuturkeun hal sarupa kalayan dirojong terobosan atawa program nu hade, sangkan masarakat ngabogaan inisiatif nu luhur, dina ngalaksanakeun kawajibanna mayar pajak.
[irp]
“Sektor KTMDU perlu ditingkatkeun. Mun seug perlu ku ngaaksanakeun terobosan-terobosan nu bisa ngentengkeun masarakat pikeun mayar pajak,” ceuk Sugianto sawaktu ngadongdon ka Samsat Outlet Kecamatan Cililin, Jalan Rawa Radio, Kabupaten Bandung Barat (KBB), Rebo (16/9/2020).
Nurutkeun Sugianto, loba hal nu bisa dilaksanakeun dina ngarangsang masarakat pikeun taat pajak. Salian program nu geus dilaksanakeun ayeuna, saperti mere potongan harga tina denda pajak atawa elatna pajak. Inovasi kudu dilaksanakeun pikeun ngaronjatkeun pendapatan daerah tina sektor pajak. “Kudu aya lengkah positif ti Samsat. Kumaha carana sangkan nyadarkeun masarakat sarta ngentengkeun mayar pajak,” pokna.
