Bewarajabar.com — Lauk mangrupakeun salah sahijisumber protein nu alus pikeun jagjag waringkasna awak. Nutrisi aya na jero lauk, nyaeta asam lemak omega-3 DHA jeung EPA. Salian ti eta, lauk oge miboga saeutik lemak jenuh, protein nu loba, vitamin D, kalsium, yodium, jeung mangrupa-rupa nutrisi penting nu hanjakalna ku urang sarerea remen kapopohokeun. Nu matak moal jadi hemeng mun seug ngadahar lauk teh mangpaatna lantaran hade kana kesehatan mata jeung perkembangan otak.
Mangpaat ngadahar lauk
Lauk oge geus pilihan nutrisi nu alus pikeun ibu hamil, lantaran mangpaat lauk ti antarana bisa ngabantu perkembangan janin jeung nyababkeun kahontalna kahamilan nu sehat. Sok sanajan salila ieu suplemen asam lemak omega-3 geus loba dijual-beulikeun sacara bebas, tapi hadena mah urang bisa beubeunangan tina ngadahar laukna langsung.
Aya mangpaat-mangpaat dahar lauk nu kudu dipikanyaho:
• Nurunkeun risiko serangan jantung jeung stroke
• Alus pikeun berkembangna otak jeung mata
• Ningkatkan sehatna otak
• Nyegah jeung ngungkulan depresi
• Nyumponan pangabutuh asupna vitamin D
• Ngurangan risiko panyakit autoimun
• Nyegah barudak ngalaman asma
• nyalindungkeun mata tina turunna pungsi karena ngolotan
• Ningkatkeun kualitas tidur
• Ngurangan risiko wedal prematur keur ibu hamil
sanajan mangpaat tina ngadahar lauk teh loba pisan, urang perelu taliti nalika milih jinis lauk nu rek didahar. Usahakeun pikeun teu ngadahar lauk nu kadar merkurina rea, samodel lauk hiu, lauk todak, tuna, kakap jeung makarel.
Presiden Joko Widodo (Jokowi) percaya yen ngadahar lauk bisa ningkatkeun imunitas awak sangkan bisa nyegah penyakit COVID-19. Kulantaran kitu anjeunna menta masarakat dibere bantuan kadaharan mangrupa lauk.
Kepala BNPB Doni Monardo nepikeun hasil rapat terbatas bareng Jokowi jeung para menteri ngeunaan Laporan Tim Gugus Tugas COVID-19. Salah sahiji pesen Jokowi dina eta rapat nyaeta nginstruksikeun Menteri Kelautan jeung Perikanan Edhy Prabowo pikeun ngabagikeun lauk ka masarakat di daerah.
“Bapak Presiden nekenkeun ka Menteri KKP pikeun mere bantuan ka masarakat nu aya di unggal daerah dina raraga ningkatkeun imunitas tubuh salah sahijhina nyaeta ku lauk nu sehat,” pokna ngaliwatan konperensi virtual.
Presiden Joko Widodo (Jokowi) percaya yen nu aya dina jero lauk bisa ningkatkeun imunitas awak. Ku kituna bisa nyegah katularanana penyakit COVID-19.
Lian ti eta, Jokowi oge nitip pesen pikeun urang nenangkeun pikiran, istirahat nu meujeuhna jeung migawe nu olahraga pikeun ngabantu nyeegah katularan COVID-19.
“Ngadahar kadaharan mangrupa lauk nu sehat bisa ningkatkeun imunitas awak. Kadaharan nu miboga gizi mantuan daya tahan tubuh pikeun ngalawan COVID-19, tapi hate nu gumbira, tenang, teu panik, istirahat nu cukup dan leukeun olahraga,” nutup caritaanana. ( Ajay)
