Bandung, bewarajabar.com – Dina Study Komparatif PWI (Persatauan Wartawan Indonesia) dibarengan Kepala Bagian (Kabag) Humas Hendra katut Kepala Sub Bagian (Kasubag) Humas DPRD Kota Payakumbuh jeung Kabupaten Limapuluhkota ditarima langsung ku Kabag Humas Kota Bandung Sony Teguh Prasatya, dibarengan Kasubag Infomasi Humas Ruri Rahmawati katut rengrengan pangurus PWI Kota Bandung di rohangan Dada Rosada, Pamarentah Kota Bandung, Salasa, (8/10/2019) nu kaliwat.
Kabag Humas Kabupaten Limapuluhkota, Hendra, ngajentrekeun, kagiatan Study Komparatif eta ngarupakeun program PWI gawe babarengan jeung pamarentah pikeun diajar sarta ngaronjatkeun wawasan, salaku wartawan profesional.
Nurutkeun Hendra, kagiatan Study Komparatif eta dirojong APBD Kabupaten Limahpuluhkota jeung Kota Payakumbuh. Tujuan utama sangkan bisa silih ngawanohkeun kadua daerah, sakaligus ngagali potensi jeung kamekaran pariwisata nu aya di Bandung.
Hendra nambahkeun, hayang apal kumaha ketakna Pemkot Bandung gawe babarengan jeung PWI Kota Bandung, hasilna bakal dilarapkeun di Kota Payakumbuh jeung Kabupaten Limapuluhkota.
Ketua PWI Kota Payakumbuh/Limapuluhkota, Yusri Rizal, ngungkabkeun, study banding eta ngarupakeun program PWI nu difasilitasi ku Bagian Humas. Program eta tujuanna pikeun ngaronjatkeun wawasan rengrengannana.
Hal sarupa ditembrakkeun ku Kabag Humas Kabupaten Limapuluhkota, Yusri Rizal, hayang apal kumaha gawe babarengan PWI Kota Bandung jeung Pemkot Bandung sarta kumaha Pemkot Bandung ngungkulan wartawan di luar anggota PWI.
Jeroning kitu, Kabag Humas Kota Bandung Sony Teguh Prasatya ngajentrekeun, di PWI Kota Bandung Pemkot Bandung, geus aya gawe babarengan nu hade, ku kituna euweuh istilah deui aya berita nu di bayar atawa panggantri tranfortasi wartawan. “Salian PWI, Humas oge gawe babarengan jeung wartawan nu di luar anggota PWI. Kabehanna dirangkul boh nu PWI atawa di luar PWI pikeun gawe babarengan,” pokna.
Wakil Ketua PWI Kota Bandung Asep Budianto, SE., SH., C.L.A ngebrehkeun kareueusna PWI Kota Bandung jeung walikota nu anyar bisa meunang fasilitas tempat atawa Kantor. “Muga muga nu dirasakeun di Kota Bandung, bisa dirasakeun ku PWI Kota Payakumbuh jeung Kabupaten Limapuluhkota samalah bisa leuwih fasilitas ti pamarentahna,” tandesna.
Nurutkeun Budi, PWI Kota Payakumbuh jeung Kabupaten Limapuluhkota leuwih senior ti PWI Kota Bandung tangtuna kudu diajar ti senior senior nu geus wedel pangalaman. PWI Kota Bandung geus gawe babarengan jeung pemkot. Turta geus aya kasapukan dua urang ti samedia nu ngaliput di pemkot, turta eta media kudu aya kontribusina.
“Salila ieu satiap kota/daerah oge ampir sarua jeung daerah sejenna, wartawan euyeub mana komo mapag lebaran, tapi kiwari di Kota Bandung geus ngurangan,” tandes Budi. ( Ade )
