RelatedPosts
Pangandaran, bewarajabar.com – Lumangsung di Hotel Aquarium nu perenahna dibasisir laut Pangandaran lebah kulon, Senin, (23/9/19) nu kaliwat geus dilaksanakeun ngistrenan kapangurusan PWI Kota Bandung Peduli nu diluluguan Asep Budi Heryanto. Acara ngistrenan ngarupakeun bagian tina acara Rapat Kerja & Press Gathering 2019 PWI Kota Bandung.
Hardiyansyah, SH, salaku Ketua PWI Kota Bandung sacara resmi ngistrenan turta ngukuhkeun kapangurusan PWI Kota Bandung Peduli masa bakti 2019-2021. Ngistrenan disaksikeun langsung ku Ketua PWI Jawa Barat H. Hilman Hidayat katut rengrenganbeserta jajarannya. Eta hal ngarupakeun bagian tina kunjungan kerja PWI Jawa Barat ka PWI Kota/ Kabupaten Sa Jawa Barat.
Eta kagiatan ngarupakeun program berkelanjutan. Samemehna geus dilaksanakeun rangkaian kunjungan kerja ka sababaraha Daerah PWI Kota/Kabupaten. “Alhamdulillah, kabeneran PWI Kota Bandung, keur ngayakeun Rapat Kerja di Pangandaran. Sakalian silaturahmi tur sharing ngeunaan kamekaran media,” ceuk H. Hilman.
Tumali jeung diistrenanna pangurus PWI Kota Bandung Peduli, H. Hilman ngarasa reueus tur ngaapresiasi sarta ngaharepkeun ketakna bisa bener-bener ngabantu masarakat kalayan nyata lain saukur simbol wungkul.
Kepala Bidang Kesra Tantan Sulton Buhowan nu oge Penanggung Jawab PWI Jawa Barat Peduli nembrakkeun, PWI Jawa Barat eleh gesit ku PWI Kota Bandung dina ngabentuk PWI Peduli. “Najan kitu mugia moal lila deui PWI Jawa Barat bakal ngabentuk turta ngistrenan PWI Peduli,” pokna.
Jeroning kitu, Ketua PWI Kota Bandung, Hardiyansyah, SH nandeskeun, ngistrenan ketua katut rengrengan pangurus PWI Peduli tujuanna sangkan ngilua aub tur icikibung sarta nyaah kana kapentingan masarakat nu sifatna sosial.
Malah, Hardiansyah miharep para pangurus PWI Kota Bandung Peduli bisa ngajalin komunikasi sarta muka akses salega legana, boh jeung pamarentah satempat, BUMD kitu deui gawe babarengan jeung swasta.
Dina eta kasempetan, Hardiansyah ngajentrekeun, Raker PWI Pokja Kota Bandung ngarupakeun amanat ti PD/PRT PWI. Ku kituna, PWI Pokja Kota Bandung bakal terus ngalaksanakeun Raker sataun sakali.
Acara Rapat Kerja & Press Gathering PWI Kota Bandung lumangsung rojongan ti BJB, Pemkot Bandung (Bagian Humas), PT Pos Indonesia sarta BJB Syariah. “Raker ieu dilaksanakeun pikeun ngaevaluasi sarta ngahasilkeun solusi jeung program kerja PWI Kota Bandung kahareupna. Eta hal kalintang dibutuhkeun,
sangkan ayana akselerasi program nu mangpaat, lain saukur pikeun lembaga katut anggota wungkul tapi bisa dirasakeun ku masarakat umum,” tandes Hardiansyah.
( Ade )
