Cocog jeung surat edaran Dirjen Bimas Islam pikeun nu ngadaptar saacan tanggal 1 April 2020, sakabeh palaksanaan akad nikah ditarik ka kantor (KUA) jeung make protap protokol kasehatan sakumaha nu geus dicindekkeun dina surat edaran nu geus ditepikeun. Katerangan ieu diuningakeun ku Kepala Seksi Bimas Islam Kemenag Kab. Kuningan, H. Ahmad Fauzi nalika dikonfirmasi patali pelaksanaan akad nikah di Kab. Kuningan salila wabah pandemi COVID-19, Senen (13/04).
Direktur Jenderal Bimbingan Masyarakat Islam Kemenag RI tanggal 2 April 2020, geus ngaluarkan Surat Edaran Nomor : P-003/DJ.III/Hk.00.7/04/2020 nu mangrupa paobahan pikeun Surat Edaran Direktur Jenderal Bimbingan Masyarakat Islam Nomor : P-002/DJ.III/Hk.00.7/03/2020 ngeunaan Pelaksanaan Protokol Penanganan COVID-19 di Area Publik Di Lingkungan Direktorat Jenderal Bimbingan Masyarakat Islam. Keur di Kuningan sanggeus ditampana edaran tanggal 2 sore, H. Fauzi nambahan, kulantaran kitu prung babarengan dina tanggal 3 nu nikah bedol (di luar kantor) kabehanana diayakeun di kantor.
REKOMENDASI
“Alhamdulillah taya hiji oge nu di luar, kajaba nu nikah tanggal 1 jeung 2 April. Lantaran surat edaran karek katampa tanggal 2 April pasosore.” Pokna.
H. Fauzi negeskeun ku diterbitkeunana Surat Edaran Dirjen Bimas Islam, mangka tanggal 3 nepika 21 April sakabeh pelaksanaan nikah di kantor dina rincianana: dina poe gawe nikah Kantor gratis jeung dina poe libur/Saptu/Ahad nikah di kantor tapi mayar ka kas nagara karena di luar jam jeung hari kerja.
Nu kacatet pikeun Kab. Kuningan patikahan geus aya kana 293-na, 19 ti antarana kadaptar salaku nikah bedol. Sajalan jeung surat edaran, kukituna pelaksanaan nikah bedol dilaksanakeun di kantor. H. Fauzi ngembohan yen sok sanajan calon penganten geus setor biaya nikah, Pihak KUA rek ngajukeun dipulangkeunana biaya nikah sakumaha nu dipiharep dina catin anu geus ditangtukeun prosedurna. (H.Yanto/KMD)
