Jakarta – bewarajabar.com — Dua Anggota Ikatan Keluarga Wartawan Indonesia (IKWI) / PWI Jawa Barat, ngaleler Juara 1 jeung Juara 2 “Lomba Karya Tulis Nasional” dina raraga mieling tepung taun IKWI ka 59 nu diayakeun ku IKWI Pusat.
Patandangna dipiluan ku 16 provinsi ti 22 provinsi, sedengkeun juara salengkepna nyaeta: Juara 1 : Pipih Fakhriyah Yasin, IKWI Cianjur-Jabar (587), judul: Mengais Rezeki pada Masa Pandemi; Juara 2 : Anna Gardina Sari, IKWI Jabar (560), judul: Tetap Aktif dan Kreatif Selama Pandemi Covid 19; Juara 3 : Agnes Dhamayanti, IKWI Kepri (525), judul: Masakan Rumah Jadi Modal Bisnis.
Juara Harepan 1 : Ika Rahmawati, IKWI Tabalong-Kalsel (335), judul : Melawan Pandemi dengan Acan; Harepan 2 : Dewi Marni , IKWI Yogyakarta (325), judul : Tetap Produktif Ditengah Pandemi, Menjual Bawang Goreng dan Nasi Goreng; Harepan 3 : Tus Eriza Edrie, IKWI Sumbar (292 ), judul : Jangan Menyerah Terhadap Corona.
Anapon nu ngabewarakeun para juara ‘ lomba karya tulis,’ nyaeta ku Ketua Umum IKWI Pusat Indah Kirana Atal, di rohangan rapat pleno Persatuan Wartawan Indonesia (PWI) Gedong Dewan Pers Jakarta Pusat, poe Saptu, 18 Juli 2020, dina eta kasempetan sakalian ngareiah-reuah milangkala ka 59 IKWI nu digelar sacara virtual via zoom, kalawan dipiluan ku 300 patandang ti rengrengan pangurus turta anggota IKWI ti 22 provinsi.
RelatedPosts
Dina eta acara diantarana diluuhan ku Pembina IKWI Pusat nu oge Ketua Umum PWI Pusat Atal S. Depari, Sekjen PWI Pusat Mirza Zulhadi, Penasehat IKWI Pusat Aas Tarman Azam.
Indah Kirana Atal netelakeun, yen IKWI Pusat keur tatahar rek ngadegkeun koperasi nu skalana nasional. Ngadegkeun koperasi teh diharepkeun pikeun nga-optimalkeun potensi nu dipibanda jeung ngamekarkeun roda organisasi nu anggotana sumebar di 22 provinsi. (Amat Heryadin ) **
