Baleendah, Bewarajabar.com — Mikanyaah ka sasama jalma, ulah ngadagoan senang atawa beunghar, man komo ka warga masarakat nu keur keuna ku musibah. Kitu diantarana tekad Badan Pembinaan Potensi Keluarga Banten (BPPKB).
Hal eta pisan nu dipilampah BPPKB, Dewan Pimpinan Anak Cabang (DPAC) Balendah, waktu mireungeuh warga masarakat di Baleendah keuna ku musibah banjir.
Rempug jukung sauyunan, samiuk sabilulungan teu ngadago bantuan ti nu lian, pangurus katut anggota BPPKB rereongan pikeun ngabantu warga nu kamusibahan banjir di Baleendah.
Salah saurang pangurus BPPKB ti DPAC Baleendah ngebrehkeun, yen upaya pikeun ngurangan bangbaluh kasusah warga masarakat nu katarajang banjir, kucara ngabagikeun sangu jeung kolek keur ta’jil buka puasa.
Anapon nu jadi sasaran ngabagikeun ta’jil nyaeta di Kampung Cigosol, Kel. Baleendah, Kec. Baleendah Kab. Bandung.
” Paket nu dibagikeun ka warga kampung Cigosol nyaeta 100 bungkus sangu jeung 100 paket kolek keur tajil, masker non medis jeung amplop husus pikeun kaum dhuafa,” pokna.
Jeroning kitu, Abah Ajay Ketua DPAC BPPKB Baleendah Kab. Bandung ngeceskeun, yen DPAC Baleendah ngadeg geus sataun, kiwari anggotana karek 58 urang, sedengkeun kapangurusana.a diantarana :
S
usunan pengurus diantaranya
Ketua : Ajay
Wakil Ketua : Mamun Sumpena
Sekretaris : Hermawan
Bendahara I : H. Nandang
Bendahara II : Isye Rahmawati
Korlap : Dudy Rudyana
Provost : Jajang
Ceuk Ajay, salila bulan suci Ramadhan BPPKB Cabang Baleendah, geus dua kali ngalaksanakeun 
acara saperti kitu. Para pangurus jeung anggota samiuk sabilulungan turun ka jalan, ngabagikeun idangan mangrupa sangu bungkus, kolek keur ta’jil, masker jeung amplop husus keur kaum dhuafa. **
