Karawang, bewarajabar.com — Herni Nuraeni, M.Pd. Guru SDN Karawang Wetan III Kecamatan Karawang Timur meunang Peringkat Ka-1 dina Lomba Guru Berprestasi Tingkat Kabupaten Karawang Taun 2018, unggul diantara 26 guru sejenna nu milu lomba ti 30 kecamatan di Karawang.
Herni Nuraerni nu lahir di Purwakarta, 11 November 1971 teh diangkat PNS taun 2005, tur mancen tugas jadi guru di SDN Karawang Wetan III. Munggaran dirina ditugaskeun di Kelas III nepi ka taun 2009, taun 2010 tugas ngajarna pindah ka Kelas V nepi ka ayeuna.
Elmu nu dicangking, Herni Nuraerni sakola di SD Bojong I lulus taun 1984, diteruskeun ka SMP Bojong lulus taun 1987, sarta SGON Karawang lulus taun 1990, kuliah di DII UT UPBJJ Bandung lulus taun 2009, S-1 UPI Purwakarta lulus taun 2011, sarta S-2 Universitas Pakuan Bogor lulus taun 2016.
Dina Widang Pendidikan dan Latihan (Diklat), ti taun 2008 nepi ka taun 2018, Herni Nuraerni kungsi milu Diklat 37 kali di tingkat kecamatan, tingkat kabupaten jeung tingkat provinsi. Diantarana, taun 2014 Pelatihan Instruktur Kabupaten Implementasi Kurikulum 2013 nu selengarakeun ku LPMP Jawa Barat di Gedung LPMP Jawa Barat, taun 2016 TOT Fasilitator Buku Bacaan Berjenjang nu diselenggarakeun ku USAID Prioritas Provinsi Jawa Barat di Cirebon, jsb.
Dina lomba, Herni Nuraerni, meunang Peringkat Ka-1 kalawan niley 71,99. Niley teh tina hasil Dokumen 30% (Portopolio) 45,72; Tes Tertulis 35% (Psiko Test, Kompetensi Paedagogik) 9,00; Wawancara 15% (Profesional Guru, Paedagogik, Kepribadian) 7,88; Presentasi dan Karya Ilmiah 20% (Makalah, Presentasi) 9,40. Peringkat panghandapna, Ka-26, meunang niley 3,04. Jadi, beda 68,95 jeung pamilon lomba nu nileyna panghandapna.
