Bewarajabar | Bandung – “Money Politik ngaganggu pisan kana alam Demokrasi” Kitu saur Kang Sodik dina acara Penyerapan Aspirasi Masyarakat (Asmas II). Poe Minggu 28 Mei 2023 di SMA Darul Hikam Jalan Supratman 88 Bandung.
Masyarakat ayeuna digiring kana politik transaksional. Nepi ka aya kacapangan “Tos ngartos tapi teu acan kahartos.”
Nepi ka aya istilah mobil mogok jeung mobil jagjag keur hiji calon anggota DPR boh DPR-RI atawa DPRD jeung calon wakil rahayat sejenna. Ulah ngadorong mobil mogok cenah, sabab percumah didorong oge.
Cilakana nu dianggap mobil mogok teh calon anu dianggap teu pimeunangeun sabab ipis duitna. Ku hal ieu tangtu puseur kakawasaan bakal dikawasa ku pemodal besar atawa anu didukung modal ku donatur politik.
Geus tangtu eta donatur politik lain bangsa urang jeung geus kabayang maksudna moal pihadeaeun keur bangsa jeung nagara.
“Kudu dibedakeun anatara eksekutif jeung legeslatif. Legeslatif teu nyekel anggaran.” Kitu ceuk Kang Sodik.
Teu aya anggota DPR-RI anu ngaleuya ku harta nepi ka bisa meuli sora rahayat dina waktu kampanyeu. Komo anu lempeng mah ukur cape hate jeung pikiran, mikiran bangsa jeung nagara.
Ngabela rahayat leutik bari jeung teu karasa jeung teu karaos ku rahayat leutik sabab kawon ku artos.
Ku hal ieu beurat pisan berjuang zaman ayeuna.
“Ulah merjuangkeun Sodik Mujahid sangkan meunang hayu urang babarengan berjuang sareng sim kuring,” kitu saur Kang Sodik nu teu weleh merjuangkeun masyarakat leutik.
Niten kasang tukang anu boga pangalam ngurus pirang-pirang organisasi. Dr. Ir. H. Sodik Mudjahid, M.Sc. Pantes dirojong jeung didukung ku urang Bandung jeung Cimahi.
