Bandung,bewarajabar.com- Kulawarga lir ibarat madrasah munggaran pikeun barudak, sabab dina seuhseuhanana sababaraha persen nu ngabentuk karakter teh asalna ti kulawarga. Mun ngatik ngadidikna bener, geus pasti laku lampah jeung kapinteranana bakal hade.
Matak peran istri teh kacida pentingna, dina ngalayanan, nyokong katut ngarojong caroge supaya sukses naratas karirna, enas-enasna mah kacida nangtukeunana. Teu aneh mun seug loba kawijakan, pamikiran jeung rojongan lahir tinu jadi bojo pikeun nu jadi carogena.
Kitu ditembrakeun ku Reni Haryati Ketua Ikatan Keluarga Wartawan (IKWI) Kota Bandung, waktu mere sambutan sabada diistrenan jadi pengurus IKWI Kota Bandung nu diluuhan ku Ketua Umum IKWI PWI Pusat jeung IKWI Jabar, di Hotel Amaroossa, Jalan Aceh No. 71 A Bandung, Selasa (3/12/2019).
Ngistrenan IKWI Kota Bandung diluuhan oge ku istri Wali Kota Bandung, Hj. Siti Muntamah atawa nu leuwih dipiwanoh Ummi Siti, Ketua Umum IKWI Pusat Indah Kirana Atal S. Depari, Ketua IKWI Jabar Yani Mirza Zulhadi.
RelatedPosts
Ketua Umum IKWI PWI Pusat Indah Kirana ngebrehkeun, yen pikeun di Jawa Barat nu munggaran diistrenan teh di Garut, ayeuna di Kota Bandung nyaeta IKWI PWI Kota Bandung.
“ Ngistrenan teh geus di 22 provinsi, jadi satiap ganti pangurus PWI, otomatis pangurus IKWI oge diganti,” pokna.
Kagiatan IKWI Pusat, daetah Kota/Kabupaten, kudu bisa ngalarapkeun program nu aya dina AD/RT, salian ti ngalaksanakeun program widang sosial, IKWI oge jadi tempat pikeun silatutahim antara pangurus jeung anggotana.
Salian ti kitu oge, anggotana bisa ngarumuskeun nyusun program pikeun lajuning lakuna IKWI PWI oge, “Resep pisan geura, nu maruncul teh bakal ibu-ibu generasi milenial,” ceuk Ketua Umum IKWI.
Jeroning kitu Ketua IKWI Jabar, Yani Mirza nambahkeun, yen rencana sanggeus ngistrenan IKWI Kota Bandung, saterusna ka Kota Bogor tanggal 13 Desember 2019, terus ka Sukabumi jeung Cianjur.
“ Kuring nngaharepkeun ka sakumna kota/kabupaten bisa aktif kana kagiatan atawa program nu geus aya kalawan siap ngalaksanakeun,” pokna.
Ketua umum IKWI PWI pusat kacida ngarojongna, kana program nu geus dilaksanakeun, saperti program di Kabupaten Bandung Barat nyaeta program kesehatan operasi katarak haratis.
” Terus waktu hari ibu ngadongdon ka panti jompo. Sugan we kagiatan saperti kitu teh, dilaksanakeun oge ku IKWI PWI kota jeung kabupaten nu aya di Jawa Barat,” pungkasna.
Dina sesi seminar “Ketahanan Keluarga” nu narasumberna, istri Walikota Bandung, Hj. Siti Muntama, dina sambutanana ngawilujengkeun ka pangurus IKWI PWI nu anyar diistrenan di Kota Bandung.
“ Pamugi IKWI PWI Kota Bandung bisa sinergis jeung Pamarentah Kota Bandung katut masyarakat, kalawan bisa ngajalankeun program sosial sarta kesejahteraan,” ceuk Ummi.
Susunan Pangurus IKWI PWI Kota Bandung :
Pembina : PWI Kota Bandung : H. Hardiyansyah
Penasehat Kehormatan : Istri Wali Kota Bandung, Hj. Siti Muntamah
Penasehat : Shinta Setiatin, SE
Ketua IKWI Kota Bandung : Reni Haryati
Wakil Ketua : Hj. Cucu Ratnaningsih
Sekretaris : Nuryati
Bendahara : Irma Rahmawati.
(Red)*
