Bandung, bewarajabar.com — Pangurus PPLIPI (Perhimpunan Perempuan Lintas Profesi) Dewan Pengurus Wilayah Jawa Barat, ngayakeun dongdonan silaturahmi ka sekretariat Serikat Media Siber Indonesia (SMSI) Jabar, Jl. Ahmad Yani 262, Bandung, Kemis (27/8/2020).
Dongdonan silaturahmi dipingpin langsung ku Ny. Lina Ruzhan, Ketua PPLIPI kalawan dibageakeun ku Asep Budianto, Wakil Ketua SMSI Jabar.
[irp]
PPLIPI ngarupakeun organisasi sosial nu anggotana kaum istri ti pirang-pirang prpfesi. Organisai nu geus dibentuk di tingkat nasional nepi ka kacamatan teh, mibanda misi ngabentuk kaum istri mandiri tur taqwa ka Allah SWT.
Kapangurusan PPLIPI DPW Jawa Barat dina waktu kiwari diketuaan ku Ny. Lina Ruzhan, nu oge geureuha Wakil Gubernur Jawa Barat Uu Ruzhanul Ulum.
[irp]
Dina dongdonan nu dibarengan ku para pangurus lianna, Ny. Lina Ruzhan ngaharepkeun bisa ngantengkeun tali silaturahmi antara PPLIPI jeung SMSI. Teu ngan saukur kitu, inyana oge ngahrepkeun PPLIPI dan SMSI bisa kolaborasi pikeun ngawujudkeun program pangwangunan Provinsi Jabar.
Jeroning kitu, Asep Budianto ngabageakeun pisan kana dongdonan pangurus jeung anggota PPLIPI DPW Jabar. Diebrehkeun, yen SMSI bakal ngarojong program-program PPLPI Jabar, hususna nyokong katut ngarojong widang sosialisasi atawa publikasi, nepi ka ngawujud eksistensi organisasi kaum istri bisa karasa ku sakumna masyarakat. (*)
