Soreang, bewarajabar.com — Anggota DPRD Kabupaten Bandung ti Fraksi Demokrat Komisi B Yayat Sudayat, ngalaksanakeun tugas Nagara “Reses Masa Sidang III”, eta kagiatan dilaksanakeun di Desa Bojongloa Kecamatan Rancaekek, sawatara waktu katukang.
Yayat Sudayat ngahensokkeun ka masarakat pikeun nyieun Forum Masyarakat hususna Desa Bojongloa pikeun pengaduan ngeunaan pasualan nu aya di masarakat eta desa sangkan bisa langsung ditanggapi terus diproses.
“Masarakat nyieun salah sahiji Forum Contoh Forum Desa Bojongloa Bersatu enggoning nampung aspirasi masarakat eta desa, warga nu ngarangluh turta aspirasina bakal dilola lantaran tugas tur wewenang DPRD salah sahijina nyerep, ngahimpun, nampung sarta nyawalakeun aspirasi rakyat,” ceuk Yayat.
Dina eta kasempetan, muncul aspirasi ngeunaan ngungkulan runtah di Desa Bojongloa tangtuna kudu diperhatikeun. “Tina eta Reses nu penting aya mangpaatna pikeun masarakat turta kudu dibejakeun ka DPRD jeung SKPD, terus hasilna diusulkeun ka Kepala Dinas nu aya puta patalina,” ceuk Apih Jaja salah saurang tokoh ti Rancaekek.
Sakabeh aspirasi masarakat Desa Bojongloa bakal diproses sagancangna pikeun kapentingan sararea mapag Desa Bojongloa leuwih hade deui.