Soreang, bewarajabar.com — Anggaran Pendapatan Belanja Daerah (APBD) Perubahan Kabupaten Bandung 2020 batal disahkeun, dina rapat paripurna Dewan Perwakilan Rakyat Daerah (DPRD) Kabupaten Bandung.
Hal eta lantaran ayana kajadian ti sababaraha fraksi nu nolak alatan pembahasanna can tuntas (final). Hal ieu muncul balukar tina ayana konstalasi politik nu kiwari kajadian di Kabupaten Bandung.
Ketua DPRD Kabupaten Bandung Sugianto, netelakeun, tahapan pembahasan Kebijakan Umum Anggaran Prioritas Plafon Anggaran Sementara (KUA PPAS) Perubahan 2020 sebenerna geus dilakonan ku pihak eksekutif.
Najan kitu, Sugianto netelakeun yen eta kaputusan teh masih kudu ngaliwatan mekanisme dina rapat Bamus jeung rapat paripurna DPRD. Dina Bamus eta aya dinamika nu sabagian fraksi nolak pikeun neruskeun pengesahan APBD parobahan.
Fraksi nu narima jeung ngarojong ditetepkeunna APBD parobahan teh nyaeta fraksi Golkar jeung Gerindra. Sedengkeun dua fraksi nu nolak nyaeta PDIP jeung PAN (abstain).
Sugianto nyebutkeun, tilu fraksi nyaeta PKB, Nasdem jeung Demokrat nolak sacara teges. Sedengkeun sesana PKS oge nolak.
Kuayana kondisi saperti kitu, ahirna Sugianto ngalansir yen rapat paripurna DPRD Kabupaten Bandung ngaluarkeun kaputusan pikeun henteu neruskeun ngabahas ngeunaan pengesahan APBD parobahan 2020.
Najan kitu, Ketua DPRD Kabupaten Bandung Jawa Barat, netelakeun sangkan masarakat teu kudu hariwang, lantaran dirina ngajamin yen eksekutif masih boga hak preogatif dumasar kana permendagri sangkan pelayanan teu kahambat komo deui nepika leungit.
Sajeroning kitu, Ketua Fraksi PDIP Dadan Konjala nyebutkeun yenn pihakna nilik kana mekanisme pembahasan APBD parobahan 2020 teh geus bener. Kituna teh, lantaran diawal tingkat kahadiran rapat sok rajeun minuhan forum.
Ngeunaan peserta rapat nu ngurangan di rapat-rapat ahir, inyana nyebutkeun yen hal eta teu jadi masalah. Nu penting mah nyaeta ngeunaan penambahan anggaran bantuan sosial kaasup ka KPU salaku penyelenggara Pilkada Serentak 2020.
Pikeun masalah bansos, pihakna hayang ningali heula data calon penerima & calon lokasi (CPCL) na. Najan sabenerna pihakna abstain heula keur sawatara waktu.
Discussion about this post