Bandung, bewarajabar.com – Wakil Gubernur Jawa Barat Uu Ruzhanul Ulum nitenan langsung pelaksanaan munggaran PPDB (Pendaftaran Peserta Didik Baru) Taun 2019 di SMA Negeri 8 Kota Bandung jeungSMK Negeri 3 Kota Bandung, Senen (17/6/2019). Antusias masarakat pikeun nyakolakeu anakna ka SMA/SMK kacida luhurna, eta hal katembong tina antrian panjang dina poe kahiji PPDBdi SMA Negeri 8 jeung SMK Negeri 3 Kota Bandung.
Uu ngaapresi antusias memasarakat dina PPDB taun ieu turta orang tua rela ngantri lila sabari nungguan giliran. “Kuring ngarasa reueus nitenan antusias memasarakat. Tangtu engkena IPM (Indeks Pembangunan Manusia) hususna dina pendidikan bakal ngaronjat,” pokna.
Uu ngingetkeun pikeun peserta didiknu gagal asup sakola dina sistem PPDB, sangkan henteu leutik harepan, lantaran Pemprov Jawa Barat ngabogaan saniskara program pikeun ngadorong sangkan barudak umur sakola nu aya di Jawa Barat bisa sarakola terus nyuprih elmu henteu pegat di jalan.
Uu peupeujeuh ka orang tua nu anakna teu katarima di SMA/SMK atawa sakola formal sejenna, sangkan tetep mere pendidikan ka anakna, solusina nyaeta asupkeun ka Pondok Pesantren. Kiwari di Jawa Barat loba pasantren nu mibanda kualitas turta lulusanna teu eleh tilulusan pendidikan formal.
Lianti eta ceuk Uu, enggoning ngaronjatkeun ajen pasantren, kiwari keur dibahas Perda Pendidikan Kaagamaan nu ngatur pasantren sarta pasantren bakal meunang bantuan regular tina APBD Provinsi Jawa Barat, lain tina pos hibah tapi anggaran biasa nu kontinu tipamarentah. “Jaditeu kudu make proposal,” tandesna.
Jeroningkitu, Kepala Dinas Pendidikan Provinsi Jawa Barat Dewi Sartikanu marengan Wagub, nembrakkeun yen rengrenganna bakal narekahan ngalayanan orang tua katut peserta didikkalayan hade.
Salian tikitu, ceuk Dewi, Dinas Pendidikan Jawa Barat bakal terus ngabejakeun sakabeh informasi PPDB turta siap narima pengaduan masarakat tumali jeung PPDB 2019.( dadan )
