Bandung,bewarajabar.com- Mieling Tepung Taunna (Milangkala Ka-1) Srikandi Pasundan Ngahiji (SPN), mintonkeun Ruwat Jagat ,”Pesta Adat Besar” dilaksanakeun di Lucky Square, Bandung, lumangsung 5 poe ti poe Rebo 4 Desember nepika Ahad 8 Desember 2019.
Srikandi Pasundan Ngahiji (SPN) Ketua Srikandi Pasundan Majalengka, Nurhasanah Kamal, nu leuwih dipiwanoh Nyi Galuh, lahir di Desa Sadomas Kabupaten Majalengka
REKOMENDASI
Nyi Galuh cunduk di Bandung diiring ku SPN ti Majalengka, bari nga-Apresiasi eta wadah kabudayaan adat Sunda nu memang teu luntur kaibunan teu laas kapanasan, teu leungit didahar mangsa.
” Samalah adat kabudayaan urang teh bakal leuwih dimumule turta dilanggengkeun di Tatar Pasundan hususna, umumna di lemah cai Indonesia,” ceuk Nyi Galuh.
“Kabudayaan di Majalengka oge, terus terang kuring pelaksana jeung pelestari tari adat jeung budaya, dina harti unggal usik, unggal poe aya wae jadwal kagiatan kabudayaan,” omong Nyi Galuh bari nyebutkeun yen Majalengka kawilang beunghar ku budaya. Hal eta bisa dititenan tina geografisna, Majalengka aya pangaruh ti kaler wewengkon Pantura jeung beulah kidul ti wewengkon Parahyangan. Kawilang wajar lamun seug kasenian Majalengka rupa-rupa, lantaran jadi wewengkon nu diapit kudua budaya nu beda.
Salian ti pasualan kurangna perhatian jeung pelestarian, pangaruh globalisasi oge milu ngikis kabudayaan lokal. Malah maehan budaya lokal. Eta pisan nu perlu jadi perhatian urang Majalengka, kudu aya karep ngamumule jeung ngalestarikeun budaya asli Majalengka.
Padika ngalestarikeunana, ceuk Nyi Galuh, kucara mikawanoh jeung daek diajar jadi pelaku kebudayaan eta. Lian ti kitu, masarakat jeung pamarentah kudu sinergis jadi corong utama pikeun leuwih mikanyaah kana widang budaya.
Lamun seug dua element eta aya di Majalengka, tangtuna seni budaya teh bakal langgeng moal luntur ku waktu hamo laas ku zaman.
“ Ngalestarikeun budaya hartina neruskeun peradaban bangsa. Pamugi kabudayaan asli Majalengka bisa tetep lestari,” pokna pinuh harepan.
Gelar Ruwat Jagat nu lumangsung lima poe, aya pesen moral leubeut ku saniskara kaarifan budaya lokal, enas-enasna mun seug dilenyepan mah pikeun ngawedelan pondasi kebhinekaan nagara Indonesia.
Ajen-inajen budaya lokal seperti ajen pendidikan, karakter jeung sosial, bisa dimekarkeun leuwih jauh, nepi ka bakal ngawujud jadi ciri mandiri masarakat Indonesia nu beunghar ku budaya. (Red)*
