Soreang, bewarajabar.com — Sekretaris Fraksi Partai Keadilan Sejahtera (PKS) DPRD Kabupaten Bandung Tedi Surahman, SE netelakeun yen parobahan APBD diatur dina Permendagri 13 taun 2006, ngeunaan Pedoman Pengelolaan Keuangan Daerah, sanajan geus sababaraha kali dirobah nu pamungkas ku Permendagri 21 taun 2011
Antukna ngamunculkeun sababaraha asumsi kawijakan umum parobahan anggaran (KUPA) APBD taun 2020, salah sahijina nyaeta ngungkulan dampak pandemi Covid-19.
Nurutkeun Tedi, patali jeung arah kawijakan dina anggaran APBD parobahan nu jadi prioritas teh tacan rengse dibahas.
[irp]
Lian ti eta penjelasan nu diharepkeun ti para rekan fraksi PDIP jeung PAN patali jeung hibah oge can tuntas dijentrekeun.
“Anggota Bamus teu nolak, tapi meredih ka pihak Pemda Bandung patali jeung program prioritas dina pembahasan anggaran Perobahan eta,” ceuk Tedi di Soreang sababaraha waktu katukang.
Salah sahiji contona, ceuk Tedi, nyaeta Fraksi PDIP dina prioritas anggaran parobahan nanyakeun patali rincian hibah eta tea.
“Dina KUPA oge geus disaluyuan yen APBD parobahan dilaksanakeun utamana dina masalah ngungkulan covid-19,” pokna teh.
[irp]
Tedi juga ngajentrekeun kronologisna, dina rapat bamus, pingpinan rapat mimitina nanyakeun sababaraha raperda jeung APBD parobahan bisa ditarima atawa henteu. Tapi, usulan anggota nyaeta pikeun dipisahkeun hiji-hiji, boh Raperda atawa RAPBD parobahan.
Ngeunaan RAPBD parobahan aya sababaraha fraksi nu ngarasa beurat patali jeung sababaraha point diluhur.
“Memang masih keneh loba nu kudu dijelaskeun. Ete oge kuduna dibalikeun deui ka forum Banggar lain dibahas langsung di Bamus,” pokna.
[irp]
Pamungkas, sanggeus diskor pingpinan langsung nanyakeun saha nu narima jeung saha nu nolak. Padahal sabagian gede fraksi ngarasa can tuntas dibahas. Nu antukna diayakeun votting.*
