Bandung,bewarajabar.com- Dina raraga Milangkala ka sataun Srikandi Pasundan Ngahiji mintonkeun “ Pesta Adat Besar” Sunda, kalawan tema Ruwat Jagat dilaksanakeun di Lucky Square Mall, Lantai 2, Jl. Terusan Jakarta no. 2, Bandung, Kemis,(5/12/2019)
Badan kehormatan Bumi Budaya Nawacita (BBN) Dr. Jackson T.M, dina sambutanana ngebrehkeun, yen kawilang resep turta reueus kuayana kagiatan Ruwat Jagat, seuh-seuhanana ngumpulkeun saniskara adat Sunda kalawan kabudayaan wewengkonna sewang-sewangan. Ruwat Jagat ieu lumangsung 4 Desember nepi ka 8 Desember 2019.
“Tujuanana nyaeta, kahiji sinkronisasi, kadua sinergitas nu katiluna konponen nu bakal mawa urang kana hiji rekomendasi taun 2020, ” ceuk Jackson.
Salian ti kitu hal ieu teh bakal jadi hiji jambatan, jadi hiji bagian ekspresi UMKM kana seni budaya bangsa Indonesia, ngan nu paling gedena mah nya eta “pelestarian” bangsa nu dihareokeun pisan.
“Kagiatan ieu oge diharepkeun ku pamarentah Indonesia maju tina sumber daya manusia (SDM), kalawan taya benturan antara agama, etnis jeung kepercayaan,” tandesna
Ditambahkeun oge ku Ketua Umum Bumi Budaya Nawacita jeung Srikandi Pasundan Ngahiji Susane Febriyati SH nyebutkeun, Konferensi Bumi Budaya Nawacita (BBN) kalawan tema “Pesta Adat Besar,” kamandirian ekonomi, sarta kapribadian bangsa keur nyanghareupan Revolusi Industri 4.0 dina waktu Acara Ruwat Jagat Bumi Budaya Nawacita.
Nurutkeun Susane, Nawacita nyaeta salapan prioritas pangwangunan lima taun kahareup. Salapan prioritas teh baheula jadi bagian tina visi Presiden Joko Widodo. Ku Nawacita Indonesia diharepkeun mampuh ngarobah jeung jadi nagara nu berdaulat sacara politik, mandiri dina widang ekonomi nu mibanda kapribadian dina kabudayaan.
“Salapan prioritas Nawacita mere ilham kalawan jadi bagian tina Rencana Pembangunan Jangka Menengah Nasional (RPJMN) 2015-2019. RPJMN bakal nungtun kawijakan pamarentah lima taun kahareup, nepi ka jadi pondasi pangwangunan nu kuat dina mangsa nu bakal datang,” ceuk Susane.
Harepanana Nawacita lain ngan sakadar jangji, tapi pituduh kamana pangwangunan bakal diarahkeun. Teu ngan wungkul dina widang ekonomi. Visi Nawacita oge raket patalina jeung prioritas pangwangunan dina widang sejen, saperti kabudayaan, pendidikan jeung pertahanan keamanan.
Jetoning kitu dina kasempetan nu sarua, Alif Prakarya ketua umum Forum Silaturahmi Spritual Indonesia (FSSI) ngarojong pisan acara “ Pesta Adat Besar” sabab kaarifan lokal budaya, salah sahiji karakter bangsa dina ngawangun karakter bangsa. “Kulantaran kitu kuring kacida ngatojongna, lantaran acara Ruwat Jagat kaasup salah sahiji bagian program FSSI oge,” ceuk Ketua Umum FSSI nu lokasina di Jakarta.
“ Ulah nepi ka kudu nungguan bola, nungguan usulan kagiatan, kakarek ngayakeun kagiatan-kagitan yeuh. Ulah nepika nungguan, mun seug aya project nu nyampeurkeun mikeun proposal mah buru-buru laksanakeun, mana komo raket pakuat kaitna jeung gawe bareng mah,” pokna.
Forum Silaturahmi Spritual Indonesia (FSSI) nu lokasina di Jakarta ieu teh anggotana rebuan sumebar di tiap Kota/Kabupaten di Indonesia. FSSI oge nyokong katut ngarojong Srikandi Pasundan Ngahiji. (Red)*
Discussion about this post