Karawang, Bewarajabar.com — Dina anggaran nu kaliwat, Pemerintah Desa Pacing, Kecamatan Jatisari, Karawang, geus ngalaksanakeun opat program pangwangunan sarana jeung prasarana desa, ngawengku: Sarana dan Prasarana Pemerintah Desa, Sarana dan Prasarana Perekonomian Desa, Sarana dan Prasarana Kesehatan Masyarakat jeung Sarana dan Prasarana Pendidikan.
Pangwangunan Sarana dan Prasarana Pemerintah Desa, diantarana: ngahadean pager pakarangan jeung tempat parkir sarta ngalengkepan mebeler, kipas angin, komputer jeung rak buku perpustakaan.
Pangwangunan Sarana dan Prasarana Perekonomian Desa, nyaeta, Sarana dan Prasarana Jalan jeung Sarana Usaha Kecil Masyarakat Pedesaan. Widang Sarana dan Perbaikan Jalan mangrupa “pengerasan jalan desa” jeung jalan lingkungan. Sedengkeun pangwangunan Sarana Usaha Kecil Masyarakat Pedesaan mangrupa “perbaikan sarana pengairan” pikeun pasawahan.
Pangwangunan Sarana dan Prasarana Kesehatan Masyarakat ngawengku Kesehatan Lingkungan jeung Kesehatan Masyarakat. Widang Kesehatan Lingkungan, nyaeta, ngawangun MCK (jamban), sarana air bersih, SEPAL (saluran pembuangan) jeung “pengerasan jalan setapak”. Sedengkeun widang Kesehatan Lingkungan mangrupa pangwangunan “sarana dan prasarana Posyandu” di 3 dusun.
Pangwangunan Sarana dan Prasarana Pendidikan nyaeta pangwangungan pikeun pendidikan formal mangrupa “penambahan lokal kelas” di dua gedung Sekolah Dasar Negeri (SDN) jeung Madrasah Dinniyah Takmiliyah (MDT).
Kitu ditetelakeun ku Kepala Desa Wawan Zaelani di sagedengeun Sekretaris Desa Pupung Fudholi katut rengrengan aparat desa sejenna, di Kantor Desa Pacing, diantara amparan sawah nu hejo ngemplok.
