Bandung, bewarajabar.com — Wartawan jadi salahsahiji garda pang hareupna dina upaya ngungkulan pandemi Covid-19. Lantaran, dina bancang-pakewuh pandemi Covid-19 ieu, wartawan tuluy baranggawe keneh jeung ngawartakeun sagala rupa n u patali jeung pandemi Covid-19.
Malah mah, nalika ngaliput pasti papanggih jeung loba jalma, ku kituna gede pisan risikona kakeunaan ku virus Corona.
Para jurnalis tetep di hareup, ngaliput jeung mere inpormasi gancang, tepat, bener jeung akurat tanpa ngecagkeun etika jurnalistik, objektivitas nu geus jadi bagean nu teu bisa dipisahkeun, tina tugas Jurnalistina.
Teu bisa ukur ngadenge informasi ti sapihak, insan pers kudu turun ka lapangan, pakepuk babarengan jeung instansi nu ata pakuat-kaitna pikeun miboga informasi akurat ngeunaan kamekaran virus corona, kaasup cara nyanghareupanana nu ayeuna keur dipigawe.
Kulantaran kitu wartawan salaku insan pers ngarasa kagero pikeun maju ka hareup dina ngaliput sarta mere informasi sagancangna, lugas jeung teu beurat sabeulah nu dibutuhkan pisan ku publik saloba-lobana.
Kukituna, kudu dipikanyaho oge, yen lian miboga profesi salaku jurnalis, wartawan oge manusa. Kamanusaan teh salahsahiji aspek kerja jurnalistik, sok sanajan dina baranggawe salaku wartawan, ngusahakeun teu kapangaruhan ku liputan nu dipigawena.
Nu matak ti mimiti Ketua Dewan Pers, Ketua Umum PWI tug ka para anggota DPR, mepelingan pamarentah sangkan ulah nepika mopohokeun wartawan dina kaayan kiwari.
Sababaraha pausahaan media ayeuna enyaan geus mere perhatian keur wartawanna, nngan loba keneh nu kudu dipigawe sangkan ngahontal tahap ideal.
Eta pisan sigana nu ngalantarankeun kabuka panto hate saurang Ketua Persatuan Wartawan Indonesia(PWI) Kota Bandung nu oge Ketua Serikat Media Siber Indonesia (SMSI) Jawa Barat, Hardiyansyah.
Lalaki, nu katelahna Andhy ieu teh dipikawanoh salaku jalma nu “peduli kawan”. Salasa (21/4/2020) pasosore ngabagi-bagikeun Sembako ka rekan-rekanna sasama wartawan.
Teu sabaraha nu dibagikeun teh sabenerna mah, ukur aya beas, gula, minyak , susu, kecap jeung masker. Ngan perhatianana eta nu nyababkeun para kuli tinta teh beuki simpati ka inyana.
Lian ti ka para wartawan, Andhy kalayan asmana Ketua SMSI Jawa Barat jeung PWI Kota Bandung, ngabagikeun ratusan paket sembako jeung masker ka masarakat kurang mampuh di sababaraha tempat jalan di kota Bandung.
Nu kabagean teh nyaeta baramaen, tukang mulung, tukang ngamen, tukang beca, barudak jalanan jeung supir angkot sarta ojek online.
Hardiyansyah nenbrakeun, yen sembako jeung masker nu dibagikeun teh ngahaja nyasar, lian ti keur para wartawan oge masarakat leutik nu kapangaruhan pisan ku pandemi Covid-19.
“Pikeun megatkeun mata rantai penyebaran covid-19, sim kuring ngahimbau ka sakabeh lapisan masarakat supaya tumut kana PSBB, ngarah pandemik corona gancang rengse,” pokna.
Discussion about this post