Bandung, bewarajabar.com — Kacida ironisna kajadian di Kemensos (Kementerian Sosial) nu fokus utama mere Bansos (Bantuan Sosial) ngan teu mamapuh mere Bansos ka PPS (Pekerja Pendamping Sosial) nu gajihna dihandap Rp. 5 juta.
Para pekerja sosial eta nyaeta garda panghareupna dina pendampingan tur pengawasan Bansos Kemensos saperti Bansos Program Keluarga Harapan (PKH) ti taun 2007, Bansos Bantuan Pangan Non Tunai (BPNT) taun 2018. Terus alatan kondisi pandemi Covid-19 di taun 2020 ieu diluncurkeun deui Bansos Bantuan Sosial Tunai (BST) jeung Bantuan Sosial Beras (BSB).
Proses pendampingan pekerja sosial lain saukur mastikeun pendistribusian wungkul, tai para pendamping sosial eta kudu ngaverifikasi sarta ngamutahirkeun data para penerima Bansos dumasar Data Terpadu Kesejahteraan Sosial (DTKS).
[irp]
Ketua Komisi II DPRD Jabar Rahmat Hidayat Djati ngangluh nalika para PPS henteu dicover kasalemetan kerja ku BPJS Ketenagakerjaan. Sedengkeun aktivitas para pekerja sosial eta gede resikona kacilakaan sawaktu ngalaksanakeun pendampingan para KPM (Keluarga Penerima Manfaat). “Mana komo dina kondisi pandemi Covid-19 taun ieu aya Bansos nu disawalakeun ku Kemensos nyaeta BST jeung BSB, terus aya Jaring Pengaman Sosial (JPS) Bantuan Gubernur BanGub jeung JPS Bantuan Pemerintah Kabupaten/Kota,” ceuk Rahmat, Juma’ah (18/9/2020).
Rahmat nembrakkeun, sakabeh pendampingan jeung pengawasan bansos eta ngalibetkeun para pekerja sosial. Kacida ironisna, maranehna nu digarawe jadi pendamping sosial nguruskeun Bansos, tapi nalika aya Bansos ketenagakerjaan nu disawalakeun Kementerian Tenaga Kerja maranehna ngan saukur bisa nempo. “Nalika para pekerja/buruh meunang Bansos Rp 600.000 salila opat bulan, para pekerja sosial mu gajihna dihandap Rp 5 juta ngan bisa nempo,” pokna.
Eta kanyataan euweuh kaadilan sosial pikeun sakumna warga Negara, pikeun para pekerja sosial. Mun seug pamarentah pusat dina ieu hal Kemensos teu mampuh ngancokeun anggaran pikeun kasalametan kerja para pendamping sosial, sakuduna aya upaya-upaya ngaliwatan Permensos tumali komitmen daerah nu narima program Bansos. “Ku ayana Permensos, Pamarentah Daerah dina ieu hal Pemprov bisa ngaanggarkeun dina anggaran taunan ngaliwatan Dinas Sosial Provinsi,” tandes Rahmat.
