Bewarajabar | Bandung – “Aya tilu pamaksudan nu harayang jadi anggota DPR RI kahiji ekasistensi, bisnis, bumela ka lemah cai.” Kitu saur Dr. Ir. H Sodik Mudjahid, nu katelah Kang Sodik dina acara Kamalir Aspirasi Masyarakat (Asmas II) tanggal Poe Minggu tanggal 28 Mei 2023 di SMA Darul Hikam Jalan Supratman 88 Bandung.
Kang Sodik ayeuna kapercanten ngawakilan rahayat di Komisi X DPRRI parantos bade tilu Periode.
Ceuk Kang Sodik lolobana nu harayang jadi DPR RI tujuanna aktualisasi diri, nu tos teu butuh ku harta tapi perlu Tahta ngarasa reueus jadi wakil rahayat tur ngantor di Gedung DPR RI.
Aya oge nu tujuanna keur nguatkeun kakuatan Bisnis. Maranehna nepi ka sanggup ngaluarkeun duit 300 M keur ngahontal tujuanna.
RelatedPosts
Katilu Kang Sodik nyebutkeun ngan saeutik nu hayang berjuang ngabela bangsa jeung nagara. Nepi ka nasib rahayat kiwari ibarat endog dina tanduk munding.
Ku hal ieu Kang Sodik miharep berjuang babarengan. Pikeun memeres ieu kaayaan. Sabab Kang Sodik moal bisa labas berjuang sosoranganan.
“Rahayat ulah teu resep komo ngewa kana urusan politik.” Kitu saurna.
Sabab masyarakat anu teu resep politik, apilain kana urursan politik komo bisa dibeuli sorana ku duit geus pasti jadi rucuk jeung rungkang kahirupan Demokrasi ieu. Tur ngalantarankeun bangsa jeung nagara dikawasa ku rezim jeung oligarki.
Akibatna anu berjuang keur ngabela rahayat, bangsa jeung nagara saperti Kang Sodik teu aya balad.
“Teu mustahil lamun rahayat tetep cara ayeuna. Putra-putri urang moal meunang pagawean. Kahareupna bangsa urang ngan saukur jadi buburuh atawa badega di nagara soragan. Moal kabagean pakaya alam anu sakieu beungharna.”
Kamelang jeung kahariwang Kang Sodik katiten oge dina aweuh sorana anu ngageter pinuh ku rasa kamelang jeung kahariwang.
“Hayu urang ngabela rahayat leutik jeung ajen inajen Agama.” Kang Sodik umajak ka rahayat supaya umajak deui ka dulur dulur anu teu hadir pikeun babarengan berjuangan ngarobah ieu kaayaan.
Kang Sodik sering di tegor ku anggota DPR RI sejen sabab teu weleh numalikeun ajen jeung inajen Agama Islam dina sagala rancangan UU nu digodog di DPR RI.
“Indonesia lain nagara Agama, ulah mamawa Agama.” Kang Sodik nyaritakeun deui omongan anggota DPR RI nu teu hayang ajen jeung inajen Agama jadi spirit keur bangsa urang.
