Pemkot Bandung Narima Pangajen Special Achievement Pencapaian UHC

0

Bandung, bewarajabar.com — BPJS Kesehatan Kedeputian Wilayah Jawa Barat mere pangajen Special Achievement Pencapaian Universal Health Coverage (UHC) ka Pemkot Bandung. Salian Pemkot Bandung, Pemkot Cirebon oge narima pangajen sarupa.

Eta pangajen ditarima ku Kepala Dinas Kesehatan (Dinkes) Kota Bandung, Rita Verita ngawakilan Walikota Bandung dina acara “Evaluasi Kinerja dan Apresiasi Mitra Kerja BPJS Kesehatan Kedeputian Wilayah Jawa Barat Tahun 2020”, Rebo (17 September 2020).

[irp]

Anapon dasar diberena pangajen, kulantaran Pemkot Bandung diajen hasil ngabogaan cakupan kepesertaan BPJS Kesehatan masarakat di wilayahna 95,5% sarta masih terus ditingkatkeun.

Rita Verita nembrakkeun, ngarasa reueus ku dicangkingna eta prestasi nu dihontal ku Kota Bandung dina upaya ningkatkeun akses pelayanan kasehatan masarakat Kota Bandung. Salian ngajamin kasehatan masarakat miskin, UHC oge bisa diakses ku warga Kota Bandung nu can ngabogaan kepesertaan BPJS pikeun bisa ditanggung pembiayaanna salaku peserta kelas 3.

[irp]

“Pemkot Bandung merhatikeun pembiayaan pikeun masarakat miskin sarta pikeun masarakat nu can jadi peserta Jaminan Kesehatan Nasional (JKN),” ceuk Rita.

Rita miharep sangkan UHC di Kota Bandung tetep bisa dipertahankeun lantaran penting pisan pikeun masarakat nu merlukeun entengna akses pelayanan kasehatan.

Tinggalkan Balasan