Bandung, Bewarajabar.com — Inspektorat Jenderal Kementerian Agama RI ngagelar Sosialisasi Hasil Audit BOS Taun 2020 husus pikeun wilayah Kementerian Agama Jawa Barat, Juma’ah (29/5). Eta kagiatan teh langsung dihadiran ku Plt Kakanwil Kementerian Agama Prov. Jawa Barat, H. A. Handiman Romdony, jeung 53 pamilon nu mangrupakeun Kepala Bidang Pendidikan Madrasah, Kepala Bidang PD. Pontren oge ti Kasi Penmad Kankemenag Kab/kota sa-Jawa Barat.
“Dina poe ieu diayakeunana Sosialisasi Hasil Audit BOS nu mangrupakeun tugas-pungsi kami salaku itjen dina migawe pangawasan jeung pamantauan kana dana BOS nu geus direalisasikeun sakumaha nu aya dina taun anggaran 2020,” ceuk Muhammad Thambrin, Plt. Irjen Kemenag RI dina arahanana.
Sosialisasi ieu dipigawe, pokna, nyaeta pikeun nga-evaluasi, review, oge salaku pendampingan hasil audit nu geus katohyan. “Dana BOS mangrupakeun dana strategis, sok komo ku kaayaan kiwari urang keur aya di satengahing Pandemi Covid-19, ku kituna aya piunjuk teknis kumaha nerapkeunana dana BOS nu kudu sapamagodos jeung pangabutuh di madrasah jeung pondok pasantren,” tandesna.
Ngeunaan hal eta, Romdony, ngabageakeun sakabeh nu dibenjer-beaskeun ngeunaan hasil audit BOS taun anggaran 2020 di Jawa Barat.
“Alhamdulillah, numutkeun hasil audit yen Kementerian Agama Jawa Barat beubeunangan nilai 78,925. Ieu nilai teh mangrupakeun hasil gawe beurat ti sakabeh Kepala Madrasah kab/kota jeung pingpinan pondok pesantren,” pokna ngedalkeun sukur.
Sanajan kitu, cocog jeung hasil ngeunaan audit BOS ieu, Inyana ngarasa aya keneh sababaraha widang nu kudu dibebenah utamana nu kapanggih nalika audit tea.
Romdony miboga tekad pikeun ngabebenah kasalahan nu aya nepi ka kahareupna hasil audit bisa mibanda nilai nu maksimal.
Inyana oge nganuhunkeun ku ayana pendampingan ti Itjen Kemenag RI nu bakal mere pangrojong pikeun Kementerian Agama Jawa Barat pikeun ngarealisasikeun dana BOS sapamagodos jeung aturanana.
“Sosialisasi ieu oge bakal mere urang sarerea pangaweruh jeung wawasan nu antukna kuring sarerea yakin kana diterapkeunana dana BOS di taun nu bakal kasorang jadi lebih alus jeung cocog jeung regulasi nu geus ditangtukeun,” ceuk Romdony mungkas sambutanana.
Adar/red
