Kakanwil Depag Jawa Barat Nyerenkeun Pangajen ka Siswa Madrasah Berprestasi

oleh

Bandung, bewarajabar.com  –  Pendidikan madrasah geus jadi pendidikan nu populer dikalangan masarakat, samalah prestasi siswa-siswina geus loba diakui di kancah nasional tur internasional. Kepala Kantor Wilayah Kementerian Agama Provinsi Jawa Barat, Adib, dibarengan Kepala Bidang Pendidikan Madrasah, Abudin,  nyerenkeun pangajen tur kadeudeuh ka siswa siswi madrasah Jawa Barat nu mibanda prestasi.

Dina biantarana, Adib garasa reueus kuayana prestasi siswa-siswi madrasah Jawa Barat nu geus teu kudu diragukeun deui. “Kuring ngarasa bungah bisa patepung langsung jeung siswa siswi madrasah nu mibanda prestasi.

Prestasi nu geus diukir, ceuk Adib, ngarupakeun usaha pikeun ngawujudkeun madrasah hebat bermartabat sakumaha nu diharepkeun. Ajen tur prestasi ngarupakeun indikator penting pikeun nitenan kualitas pendidikan madrasah. “Kuring ngarasa reueus ka Kepala Madrasah katut guru pendamping nu geus narekahan sangkan siswa-siswi madrasah bisa mibanda prestasi,” pokna.

Kepala Bidang Pendidikan Madrasah Kanwil Kemenag Jabar, Abudin nambahkeun yen eta kompetisi dilaksanakeun sacara online lantaran Pandemi Covid-19. Malah nyiapkeun sarta marengan siswa-siswi madrasah nu lomba dilaksanakeun sacara online, tapi aya sababaraha kondisi guru pendamping bisa marengan langsung siswa-siswi eta mun seug nyanghareupan rereged disajeroning lomba.