Bandung, bewarajabar.com – Opat taun katompernakeun PWI (Persatuan Wartawan Indonesia) Kota Bandung daria terus bebenah diri pikeun ngajadi organisasi profesional wedel dina bidangna, sarta terbuka ngajalin gawe babarengan jeung saniskara pihak enggoning mere berkontribusi positif pikeun masarakat Kota Bandung.
Eta hal kaungkab dina kasapukan nu muncul dina agenda taunan Rapat Kerja (Raker) & Press Gathering PWI Kota Bandung 2020 di Citere Resort Hotel, Pangalengan Kabupaten Bandung tanggal 25-27 November 2020.
Ketua PWI Kota Bandung, Hardiyansyah, SH nembrakkeun, dirina ngarasa reueus bareng jeung rengrengan anggota salila opat taun katonpernakeun bisa ngajadikeun organisasi wartawan jadi leuwih profesional sarta jadi organisasi nu diajenan tur dipihormat ku sanisakara pihak. “Samemehna diaku yen ngaran organisasi PWI Kota Bandung ieu kungsi napel ayana stigma nu kurang hade nu lumayan heubeul,” tandesna.
Sanggeus kitu, ceuk Hardiyansyah nu dipiwanoh Andhy, bareng jeung rengrengan pangurus terus ngabebenah utamana memeres internal organsasi. Alon alon tarekah ngajadikeun organisasi PWI di Kota Bandung tinekanan ayan hasilna diajenan turta diaku deui eksistensina ku mitra-mitra nu aya. “Malah disajeroning wabah pandemi Covid-19, PWI Kota Bandung tetep bisa ngalaksanakeun saniskara kagiatan rutin salila 2020 najan waktu pelaksanaan kagiatanna mundur. Sahanteuna, agenda organisasi bisa kalaksanakeun,” pokna.
Dina eta kasempetan, Andhy ngajentrekeun ngeunaan kode etik organisasi nu nyarek ayana rangkap jabatan. Ku kituna, peupeujeuh sangkan sakumna anggota kitu deui dina kapangurusanna nu bakal datang sangkan bisa ngajaga marwah sarta ajen atawa ngaran hade PWI Kota Bandung. Eta hal jadi isyarat yen acara Raker eta ngarupakeun Raker nu ahir dina periode kapamimpinanna.
“Kuring miharep, nu bakal datang sangkan rengrengan PWI Kota Bandung terus ngawangun sumanget babarengan. Jalin harmonisasi nu geus kabentuk ku leuwih hade deui dina laku lampah turta jaga ajen PWI Kota Bandung. Sabab, ieu acara Raker nu ahir mangsa kuring ngajabat,” ceuk Andhy.
Andhy mere kasempetan ka anggota sejenna pikeun mimpin organisasi PWI Kota Bandung nu bakal datang. Dirina geus dua periode jadi Ketua PWI Kota Bandung. Najan euweuh dina AD/ART PWI ngeunaan mangsa jabatan, tapi lantaran dirina oge jadi Ketua Serikat Media Siber Indonesia (SMSI) Jawa Barat.
“Sok sanajan kitu aya hiji hal nu perlu jadi cepengan, nyaeta etika moral organisasi. Hartina, tina sisi etika, kuring kudu mere kasempetan ka rengrengan sejenna pikeun ngajalankeun regenerasi di PWI Kota BAndung. Kuring yakin, nu ngaganti kuring bisa leuwih hade deui,” pokna.
Raker jeung Press Gathering diiluan 38 peserta ti 45 anggota PWI Kota Bandung, lumangsung lancar. Acara lumangsung berkat rojongan mitra kerja diantarana Bank Bjb, Pemkot Kota Bandung (Bagian Humas), PT. Pos Indonesia, sarta BJB Syariah. Lian ti eta, Raker PWI Kota Bandung dina pelaksanaanna disiplin ngalarapkeun standar Protokol Kesehatan (Prokes) 3M Covid-19.
