Bewarajabar | Bandung – Keueung, Dedeh salah saurang ahli waris Nata Entjih (juragan tanah) dizamanna, ayeuna hirupna malah sangsara jeung teu boga nanaon, tina warisan kolotna.
Teu kitu kumaha, tanah titilar kolotna anu legana 1000 ma nu lokasina dijero benteng Perumahan Permata Ayu, Kecamatan Babakan Ciparay, Kota Bandung aya tilu lokasi saampar lila-lila mimiti laleungit ku sabab dijual saeutik-saeutik.
Ku Nata Entjih nu legana 1.500 meter di jual ka Ading, satuluyna 800 m dijual ka Omat (Mantu) anu 1.500 meter jeung 800 m, geus dibeuli deui ku Pengembang.
Sesana 1000 meter jeung lokasina di tengah-tengah nepi ka ayeuna can dijual, tur nurutkeun catetan kacamatan masih ngaran Nata Entjih mangrupakeun tanah adat.
Salian ti eta, imah anu baheula ditempatan ku Nata jeung Entjih jeung para ahli waris nepi ka ayeuna. Imah jeung lemahna salega 15 tumbak anu tempatna satukangeun benteng perumahan Permata Ayu ieu teu bisa dicicingan ku ahli warisna, sabab 12,5 tumbak geus dijual sesana 2,5 tumbak.
Padahal riwayat eta imah pernah dicicingan ku ahli waris Nata Entjih nyaeta Dedeh jeung salakina, Pendi. Samalah kurang leuwih 15 taun maranehna hirup marengan Nata jeung Entjih. Nepika nikah oge diurus ku jasana Nata jeung Entjih.
Teu disangka ahirna penerus kulawarga Nata Entjih Dedeh jeung Pendi ayeuna hirup kalunta-lunta tur hirup tina sih piwelas batur.
Nurutkeun katerangan Pendi, musibah anu kaalaman ku manehna jeung pamajikanna mimitina waktu salah saurang penjaga Kantor Dinas Sosial anu ngarana Yous Yosep.
Menta ka Bah Nata supaya diizinan keur nyieun imah anu ngarendeng jeung Kantor Dinas Sosial kurang leuwih taun 1978.
Tapi teu lila ti harita Bah Nata jeung Entjih maraot. Nini Entjih maot taun 1990 tilu taun ti harita taun 1993 Bah Nata oge maot. Taun 1997 aya proyek Ajudikasi, Yous Yosep menta tanda tangan rek nyieun sertifikat Ajudikasi. Ku ahli waris ditolak sabab tanah nu dicicinganna teu pernahdijual.
“Ujug-ujug aya beja taun1999 yen taneuh nu ditempatan eta geus jadi Sertifikat Ayudikasi diantarana kahiji Welli Harseno 141m, kadua Yous Yosef 154 m jeungLili Barli Sutisna 185 m.” ceuk Pendi.
Ngadenge tanah eta jadi tilu Serifikat Ajudikasi. Pendi dipercaya dibere surat kawasa ti ahli waris tanggal 1 April 1999 ti Enis (80) alm jeung Ma’i (90) alm keur ngurus ngeunaan eta tanah. Teu disangka ti mimiti meunang kapercayaan eta mimitina musibah dialaman ku kulawargana.
Waktu eta Pendi mercayakeun ngurus surat tanah milik Nata Entjeh ka Memet (pagawe kelurahan), keur nyieun warkah sakaligus mayar PBBna. Tapi diitungitung waragadna teu saeutik.
“Mimiti ngajual perhiasan mas anakna,kusabab kagendam ku omonganMemet (alm) anu bakal ngabantu, satuluyna ka Pengacara jeung Pulisi keur ngurus status tanah eta anu waragadna teu saeutik.”
“Satuluyna ngutang kaditu-kadieu nepi ka ngajual imah jeung tanah anu kolot Pendi 6 tumbak. Surat tanah anu di Bandung Barat digadekeun nepi kaayeuna. Eta oge tetep masih kurang. Ahirna tanah anu di Bandung Barat anu legana 21 tumbak dijual ku Pulisi.” Cenah satuluyna.
Surat tanah anu ieu oge geus digadekeun, jeung anu paling ruksak deui taneuh salega 5 tumbak anu dijual ku pulisi eta, ayeuna nu meulina nungtut supaya gancang disertifikasikeun.” Manehna ngangluh sanggeus harta beak hutang kaditu kadieu tinggal bingungna. Kusabab era imah titilar Nata Entjih oge anu lokasina 30 meter ti benteng perumahan asalna 15 tumbak sesa tinggal 2,5 tumbak deui, ahirna Pendi jeung bojona oge kapaksa hijrah ka Cililin, Kab. Bandung Barat, sedengkeun ahli waris sejenna masih tetep di Babakan Ciparay Kota Bandung.
“Lamun disita kunu boga duit, kuring kudu balik kamana sedengkeun tanah titilar kolot jeung imah beak, hutang kaditu kadieu, jeung kudu malikeun duit anu 5 tumbak anu dijual ku Pulisi.” Ceuk manehna. Sanggeus beak jeung boga hutang, anu nguruskeunna geus maraot. Noroboro jadi sertifikat PBBna oge teu kabayar.
Untung masih keneh aya anu haat nulungan keur nguruskeun warkah tanpa waragad pisan. Bulan Juni 2006. Sanggeus dipaluruh nepi ka mediasi, ahirna kaluar surat jawaban mediasi ti BPN tanggal 7 April 2011, No. 314/13.32.73/iv-2011 anu diteken ku Kepala BPN A Samad Soemargana, nerankeun yen Tanah milik Nata Entjih Persil 15a S 1 Kohir No 682, legana 1.000 m masih aya.
Sanggeus meunang hasil mediasi sadaya syaratna beres, waktu rek matok Gerbang Perumahan Permata Ayu sabab lokasi tanah Nata Entjih ayana sajeroning ben teng, ngadadak ngurunyung Wa wan kapercayaan ti Pengembang, nyaritakeun yen tanah Nata Entjih Persil 15 a Kohir No 682 legana 1.000 m lokasina di Kecamatan Babakan Ciparay geus jadi 4 Sertifikat.
Sanggeus ditalungtik bukti 3 sertifikat Ajudikasi jeung Sertifikat No 272 Jumlahna 1.825m anu lokasina di Kecamatan Bojongloa. Diantarana Yous Yosef 154 m jeung Lili Barli Sutisna 185m anu dua ieu Surat Segelna Asli dina tanggal sabelas Mei 1949 Persil 15 a S 1 Kohir Nomor 51.
Surat Zegelna aya di Kecamatan (dina buku Tanah Kecamatan Kohir 51 teu aya) lokasina di Kecamatan Bojongloa. Nu Yeni Gunadi kabehna aya 1650 m jadi Sertifikatna No 272 persil 15 a S 1 Kohir no 1879 luas 1.345 m Gs no.6671, (Sertifikat No 272 dina buku tanah Kohir 1879 milik Uju Cs, lokasina Kecamatan Bojongloa).
Sesana aya 305 Gs no, 6672. Ku Welly Harsono 1997 dijeun Sertipikat Ajudikasi No 4288, Persil 15 a S 1 kohir Kosong luas141 m. Surat Zegel Asli tanggal 7 Nopember 1952 lokasina di Babakan Tarogong Kecamatan Bojongloa. ( surat Zegelna aya di BPN).
Sedengkeun tanah milik Nata Entjih Persil 15 a S 1 Kohir 682 legana 1.000 m, lokasina di Kecamatan Babakan Ciparay, tur Leter C geus dilegalisir.
“Tapi nepi ka ayeuna tanah eta can rengse padahal syarat-sayaratna keur warkah geus kumplit. Surat-surat geus beres ti 1 April1997 nepi ka 2023 geus 24 tahun.” Pokna bingung bari ngadongenkeun awal kajadian nguruskeun warkah anu nepi ka ayeuna can beres wae padahal berkas geus kumplit.***
