Soreang, bewarajabar.com — Wakil Ketua MPR RI, Jazilul Fawaid, miharep calon Bupati jeung Bupati Bandung ngarti dina waktu ngalakonan opat pilar kebangsaan.
Ngarti (faham) dina ngalaksanakeun opat pilar kabangsaan nurutkeun Jazilul kalawan penting pikeun bupati jeung calon bupati Kabupaten Bandung.
“Ngarti tur bisa ngalaksanakeun opat pilar kabangsaan pikeun kepala daerah teh kacida pentingna. Opat pilar eta teh kawilang ideal saupama dilarapkeun dina kawijakan jeung program,” ceuk Jazilul dina waktu ngalaksanakeun sosialisasi opat pilar di Cileunyi, (18/9/2020).
Masih ceuk Jazilul, calon bupati dina waktu kapilih kudu nyieun program nu bisa ngahontal kaperluan jeung kabutuhan masarakat utamana dina masalah pemahaman bernegara.
RelatedPosts
“Ulah nepika masarakat bandung engkena aya gerakan anti Pancasila. Eta nu matak jadi bahaya. Ku kituna calon bupatina kudu faham tur ngakolanan soson-soson ka opat pilar eta,” pokna tandes.
Pilkada Kabupaten Bandung dipiluan ku tilu kontestan nu sacara resmi geus daftar ka kantor Komisi Pemilihan Umum (KPU) Kabupaten Bandung, Jumaah (4/9/2020).
Bapaslon (bakal pasangan calon) nu daftar mimiti nyaeta HM. Dadang Supriatna jeung H. Sahrul Gunawan darftar di KPU Kabupaten Bandung jam 14.20 WIB.
Bapaslon ieu diusung ku opat partai politik nu ngawengku ti PKB genep korsi, Partai Nasdem lima korsi, partai Demokrat lima korsi, jeung partai PKS 10 korsi. Jadi jumlah totalna aya 26 korsi ti DPRD Kabupaten Bandung, hasil Pemilu taun 2019.
Saterusna bapaslon Hj. Yena Iskandar Masoem jeung Atep daftar di KPU Kabupaten Bandung jam 15.07 WIB. Bapaslon ieu dirojong ku dua parpol nyaeta PDIP 7 korsi, jeung PAN 4 korsi. Total jumlah aya 11 korsi.
Pamungkas, di poe munggaran pendaftaran, bapaslon Kurnia Agustina jeung Usman Sayogi JB daftar di KPU Kabupaten Bandung jam 15.40 WIB.
Bapaslon ieu dirojong (diusung) ku dua parpol nyaeta partai Golkar 11 korsi jeung partai Gerindra 7 korsi. Jumlah totalna aya 18 korsi. *
